د. مي محمد تكتب: مين عاوز يعالج القلق؟

محتاجين نتفق ان اضطرابات القلق كلها تقريبا شبه بعض زي الوسواس والمخاوف عامة والهلع واضطراب القلق العام ومحتاجة علشان تخف تماما يكون عندنا ارادة قوية

الافكار هي المسئولة عن المشاعر (الخوف) هي المسئولة عن السلوك (التصرفات) خلينا نتفق ان علشان نتغير لازم نغير الافكار والفكرة الغلط لازم اطردها عن طريق اني اوقفها من خلال اني اقول في نفسي اقفي انتي فكرة غلط ومش صح تماما واغير مكاني واشغل نفسي باي حاجة تانية

طيب اعرف الفكرة الغلط ازاي؟
ليها ثلاث علامات
1-الفكرة الغلط بتتكرر وتلح
2-الفكرة الغلط بتعمل مشاعر وحشة (خوف او غضب او توتر)
3-الفكرة الغلط بتكون عاوزاني اني اعمل سلوك سلبي

لو فكرتك فيها العلامات دي يبقي نطردها علي طول ومنصدقهاش لانها بتضحك عليا وماتنسوش ان اللي بيخاف منها بتزيد واللي بينفذ السلوك اللي بتقولي عليه بتزيد جدا

عاوزة اللي يقرر انه يخلص من المرض يبقي عنده ارادة قوية وقادرة علي المواجهه

في بعض الأكلات والمشروبات اللي بتقلل التوتر والقلق وتساعد في علاج الاكتئاب والوسواس

شرب المياه
الموز
التمر
الشيكولاته الغامقة
الخضروات الطازة غير مطبوخة
المكسرات وخاصة الكاچو

ونقلل من المنبهات زي الشاي والقهوة
ونشرب يانسون وبابونج ونعناع وكاكاو وكريز وبرتقال ولمون

اجعل الحياة أفضل: انشر هذا المقال على