د. مريم طه تكتب: مشاعري والأكل..
د. مريم طه تكتب: مشاعري والأكل..
الطبيعي إن احنا بناكل اللي يعيشينا ونقوي بالأكل ويدينا طاقه..
لكن كتير مننا الأكل واخد مساحه كبيره من حياته وتفكيره ومن جسمه لأن هنا الأكل بيكون مجرد احتياج عاطفي – هدفه تعويض الاحساس المفقود!
-فيه من الناس بيحسوا بالشبع بعد كميات كبيره يحسوا إنها مليت بطنهم لكنها بتكون مليتهم هما شخصيا لأنهم فاضين من جوا واحساس الجوع هنا بيبقي احساس الفراغ اللي بداخلهم.
– فيه الأكل بيكون احساس بالأمان وهنا الجسم يخاف يفقد الدهون لأنه بيطمن طول ماهو كتير ومليان هيعرف يدافع عن نفسه زي الناس اللي بتتلام كتير ومطلوب منها تبرر تصرفتها حتي لو لنفسها.
-فيه احساس الأحتواء بيحسوا الناس اللي مش بتعرف تفرغ غضبها فبتأكل وتحس بعدها إنها أرتاحت وتقولك الأكل بيحتويني.
-فيه احساس الحريه والأختيار للناس اللي دايما مجبوره في حياتها فتحس بحريتها وهي بتختار الأكل وعشان كده بتستمتع بالأكل لكن الاستمتاع هنا بيكون بإختيارها حتي لو الأكل مش حلو .
-فيه احساس العقاب لنفسه لو مش بيحبها وبيأنبها كتير ومعندوش سماح بالغلط او احتماليه انه يقصر.
-فيه احساس الدلع والأهتمام وهنا بيبقوا دايما شخصيات بتعطي وتعمل لغيرها مش متعوده حد يعمل له بتبقي مستنيه الاكل يجي مخصوص ليها.
-فيه اللى بياكل اللي يعيشه مش اكتر اللي هو ثلث المعده يعني بينهي الاكل وهو لسه جعان لكنه مشاعره واحتياجاته شبعانه.
حدد انت مين فيهم واعرف مشاعرك واحتياجك وحرره.
