Blog Post

7 مفاهيم خاطئة عن الصمود النفسي

نشر بواسطة

Enas Taha Elbedawy

المشاركة الى:

من أول ما نقرا كلمة الصمود و جمبها كلمة (نفسي) , هوب ينط في دماغنا كل النصايح اللي اتقالتلنا من صغرنا زي (انشف كدة ) إجمدي, اوعي تقع , أوعي تضعفي …. بس في الحقييقة كل النصايح و التعليقات دي بعيدة كل البعد عن الصمود النفسي
في المقال ده هنحاول سوا نتعرف عن أهم 7 مفاهيم اللي ملهاش أي علاقة بالصمود النفسي.

1- الصمود النفسي و الجمود النفسي

عكس المفاهيم الخاطئة المقترنى بالصمود النفسي، فالصمود مالوش علاقة بتبلد أو دفن المشاعر بالعكس; صعب جدا تكون في شخصيتك نوع من أنواع الصمود بدون احترام مشاعرك و تقديرها و فهمها بشكل واعي .فالصمود النفسي هو: عملية التكيف بشكل فعال في مواجهة الصدمات، والمآسي أو مصادر التوتر و “النهوض بعد التعثر في التجارب و التحديات الصعبة .

2- مفيش صمود ولا نهوض ..دي القشة اللي قسمت ضهري

  ساعات بيعدي علينا تجارب توصلنا للقاع ، و تدفعنا للشعور بإن مستحيل نقف علي رجلنا من تاني و ساعتها بنستصعب حتي سماع كلام عن الصمود . بس الحقيقة الصمود مش محتاج قدرات خارقة فهو بيعتمد بشكل أساسي علي قدرة الفرد على استعادة توازنه بعد التعرض للصعوبات، بالعكس أحيانا الصعوبات بتمدنا بالوعي المطلوب لتحقيق النضج و النمو النفسي والتكامل.

3- الصمود.. هو الصمود النفسي فقط!

مش حقيقي! في أنواع مختلفة للصمود و إن كانوا بيتأثروا و يأثروا علي بعض ،و علي قدرة الشخص علي التعامل مع الضغوطات المختلفة و الأحداث الصادمة منهم :

  • الصمود الجسدي: و هي القدرة الجسدية للتعامل مع التغييرات والتعافي من العجز والأمراض والإصابات.
  • المرونة العقلية: وهي قدرة الشخص علي إستخدام  القوة العقلية لحل المشكلات ، و تخطي الأزمات و مواجهة الانتكاسات.
  • الصمود العاطفي: و هي القدرة على تنظيم المشاعر عند التعرض لتجارب سلبية.
  • الصمود المجتمعي” وهي قدرة المجموعات على التعافي من المواقف الصعبة. عن طريق التواصل و العمل معًا لحل المشكلات اللي بتؤثر على الأشخاص بشكل فردي وجماعي.

4- الصمود النقسي خلقة ربنا  

صحيح الاستعداد الوراثي بيأثر، لكن الصمود واحد من المهارات النفسية اللي بيقدر الشخص إكتسابها عبر الوعي و  الممارسة المستمرة.  

5- مش محتاج مساعدة

في ناس بتفكر إن مهارات الصمود النفسي بتكتسب فقط عن طريق المساعدة الذاتية ، و إنهم مش محتجين مساعدة إختصاصية /ز طبعا ده كمان مش حقيقي ،عشان أحيانا حتي لو عندك معلومات كافية بتحتاج مرشد مختص يدربك
علي المهارة دي و يساعدك تكتسبها و تعززها.

6- الصمود للكبار فقط

بالعكس الأطفال بيواجهوا كل يوم تحديات كبيرة بالنسبة لهم و بتساعد في تشكيل شخصياتهم; بنحتاج نزرع و ندرب الطفل علي مهارات الصمود و ده ممكن نوصله من خلال تعزيز تقدير الذات والمهارات الاجتماعية زي المشاركة و التعبير عن المشاعر و إدارتها بشكل فعال، التواصل مع النفس و مع الآخرين بشكل مقبول و ده بيتضمن تنمية حس التعاطف،إظهار الامتنان، والتعاون.

7- مفيش طريقة لبناء الصمود

يعتبر بناء عادات صحية لإدارة الإجهاد النفسي و البدني طريقة فعالة لزيادة الصمود النفسي بشكل عام. ممكن تكون العادات دي  سلوكيات تساعد على الصحة العامة ، زي الاهتمام باسلوب الحياة الصحي و الاكل المفيد :و طبعا الحصول على قسط كافٍ من النوم وممارسة الرياضة ، بالإضافة لبعض الإجراءات المحددة  اللي ممكن الإستفادة منها أثناء لحظات التوتر و الإجهاد ، ومع الممارسة ، يمكن للبالغين والأطفال على حد سواء تعلم المهارات دي وإتقانها.

 مثلاً:

  • إعادة الهيكلة المعرفية(Cognitive restructuring)
  • تمارين التنفس
  • تمارين التأمل و الاسترخاء
  • الكتابة التعبيرية
  • التواصل الفعال مع النفس و الآخرين
  • استراتيجيات حل المشكلات

كلمة أخيرة

في النهاية ، تقدر تتعامل مع الصمود زي بناء عضلات الجسم .محتاج وقت،جهد، وتمرين عشان تقدر تنميه و تحافظ عليه .
كل موقف عصيب بتوجهه لوعب و بتحاول فيه تنمية درجة الصمود عندك بتخليك أكثر استعدادا  لمواجهة مواقف اصعبساعتها بتكتسب درجات أعلي من الصمود اللي بتكون كافية للتعافي بشكل أسرع.
أما لو حاسس إنك بتعاني للحفاظ على مستويات التوتر تحت السيطرة ، قد يكون من المفيد التفكير في الحصول على دعم معالج مختص.

تذكر أنه ليس عليك التردد في طلب المساعدة من فريق شيزلونج للاستشارات النفسية، عبر التواصل مع  فريق من أكفأ الأطباء والمعالجين الذين يسرهم تقديم المساعدة والدعم ، احجز جلستك الآن وأبدأ رحلة الاستشفاء، وللمزيد من المعلومات التي تخص صحتكم النفسية تابعوا مقالاتنا علي موقع شيزلونج.

إعداد و كتابة : إيناس طه البداوي
باحثة ماجستير إرشاد نفسي 

اجعل الحياة أفضل: انشر هذا المقال على

اترك تعليقاً

Required fields are marked

اشترك في نشرة الأخبار ليصلك أفضل المقالات لدينا: