فكّر في2024 مع شيزلونج
فكّر في2024 مع شيزلونج
ايه اللي كان كويس، إيه اللي مكانش، وإيه اللي جاي
وإحنا بنودّع سنة 2024، دي اللحظة المناسبة إنك توقف شوية، وتفكر في السنة اللي فاتت. التفكير في اللي فات هو أساس التطور اللي تقدر توصله، لأنه بيساعدنا نحتفل بإنجازاتنا، ونتعلّم من تحدياتنا، ونخطط لأهداف جديدة ليها معنى. لما ناخد وقت نفكر، بنحط الأساس لقرارات فعّالة وحقيقية.
في شيزلونج، إحنا معاك في الرحلة دي. .
1: احتفل بإنجازاتك
أول خطوة في التفكير هي إنك تلاحظ وتحتفل بالنجاحات اللي حققتها. سواء كانت كبيرة أو صغيرة، كل إنجاز يستحق إنك تقدّره. التركيز على الحاجات الكويسة اللي حصلت بيزود الطاقة الإيجابية وبيحفزك تكمل.
جرب التمرين دا:
- خد لحظة واكتب 3 إنجازات شخصية و3 إنجازات مهنية من 2024. ممكن تكون حاجة زي تحقيق هدف رياضي، الحفاظ على توازن بين الشغل والحياة، إنهاء مشروع، أو بناء علاقات أقوى.
شارك إنجازاتك مع شيزلونج علشان تكون ليك فرصة تساعد غيرك! خلّي قصتك تلهم الناس.
2: اتعلّم من تحدياتك
أي سنة مش بتخلى من التحديات، وده شيء طبيعي. العقبات فرص علشان نتعلم ونقوي نفسنا. التفكير في اللحظات دي بيساعدنا نفهم نفسنا أكتر ونستعد لأي حاجة جاية.
أسئلة تفكّر فيها:
- إيه اللي مكنش زي ما توقعت السنة دي؟
- كنت تقدر تتحكم في إيه؟
- إيه الدروس اللي استفدتها من التجارب دي؟
لما تتقبل الدروس دي، بتخلّي الصعوبات فرص للتقدم. افتكر دايمًا إن كل تحدّي بتواجهه دليل على قوتك.
3: خطط لخطواتك الجاية
التفكير ميبقاش كامل من غير خطة عمل. استخدم اللي اتعلّمته علشان تحط أهداف واضحة وقابلة للتحقيق للسنة الجديدة. الأهداف اللي مبنية على الوعي بالنفس والتجارب اللي فاتت بتكون فرص نجاحها أكبر.
نصايح علشان تحط أهداف واقعية:
- قسم أهدافك لخطوات صغيرة وسهلة التنفيذ.
- ركز على الحاجات اللي تقدر تتحكم فيها وتؤثر عليها.
- خلي صحتك النفسية أولوية في خطتك.
شيزلونج هنا علشان تساعدك تبدأ 2025 بأساس قوي للصحة النفسية. اكتشف جلسات العلاج والخدمات اللي بتدعم رحلتك للنمو الشخصي.
رايح فين؟
التفكير في اللي فات أداة قوية علشان تفهم انت كنت فين، وفين دلوقتي، ورايح فين. وإنت بتفكر في 2024، افتكر إن شيزلونج معاك خطوة بخطوة—بندعم صحتك النفسية ونموّك الشخصي طول الطريق.
