Blog Post

د. محمود الجندى يكتب: الإضطرابات الإنشقاقية

نشر بواسطة

Sarah Bahader

المشاركة الى:

كلمة انشقاق يعني انقسام العقل

العقل عبارة عن مجموعة من الوظائف زي الوعي والادراك الحركة او الكلام او الاحساس او التفكير او الذاكرة او الانفعالات وهكذا..

انقسام او انشقاق العقل معناه ان وظيفة او اكتر من الوظائف دي او حتى الوظائف دي كلها تخرج برة دايرة وعي الشخص وتحكمه

وده ممكن يكون ايجابي او سلبي

سلبي بمعنى ان الشخص يفقد الوظيفة دي

زي مثلا الشلل الانشقاقي او الخدر الانشقاقي يعني الشخص يفقد القدرة على تحريك احد اطرافه مثلا او يفقد النطق او الابصار او الاحساس او حتى الوعي نفسه يتأثر والشخص يفقد تركيزه واحساسه بالزمن او يفقد ذاكرته

وممكن يكون ايجابي بمعنى ان الوظيفة تتفعل من نفسها وتبقى لا ارادية زي التشنجات اللا ارادية والصراخ اللا ارادي وزي الشخص اللي بيسيب بيته ويسافر ويرجع بعد فترة من غير ما يفتكر هو كان فين ولا بيعمل وده الشرود الانشقاقي

واحيانا الانقسام بيكون كامل لدرجة ان العقل بيتقيم نصين ويبقى للشخص الواحد هويتين مختلفتين بذكريات ومشاعر وسلوكيات مختلفة وده بنسميه اضطراب الهوية الانشقاقي

والاضطرابات الانشقاقية ديما بتظهر في اطار الصدمة او الكرب الشديد زي اللي بيتعرض لوفاة شخص عزيز او حياته نفسها تتهدد بالموت او اللي تتعرض للاغتصاب او للخطف او للايذاء الجسدي او النفسي الشديد وكتير بنشوفها لما حد يحصله حادث أليم ان يجيله شلل او لسانه يتقل او يغمى عليه او يتشنج او يسيب الموقف كله ويسافر

والانشقاق بيحصل كدفاع من العقل ضد المشاعر الجارفة اللي مش قادر يستحملها اما من خلال انه يحول الوجع النفسي المؤلم لتعب جسدي وبكدة يشتت انتباه الوعي عن المشكلة وبيكون مخرج للهروب من مواجهتها

او انه بيخدر الشخص وبيبدل درجة وعيه ويدخله في حالة ذهول وتوهان وشرود عشان ما يحسش بالألم النفسي

او انه يخلي الشخص ينسى تماما تفاصيل الحادث الأليم ده

او انه يفصله تماما عن الواقع ويعيشه في حياة تانية بواقع مختلف مفيهوش الالم اللي في الواقع الحقيقي

اجعل الحياة أفضل: انشر هذا المقال على

اترك تعليقاً

Required fields are marked

اشترك في نشرة الأخبار ليصلك أفضل المقالات لدينا: