د. سماء نصار تكتب: ما هو التنميط الجنسي للأطفال؟

 كل طفل بيتولد في داخله هرمونات ذكورة وأنوثة بتلعب دور مهم في تكوين السلوك والشخصية و بيكون ليها دورفي التغيرات الجسدية إللي بتحصل فترة البلوغ.

كمان التربية والثقافة اللي بيتربى عليها الطفل بيكون ليها دور مهم في تكوين الشخصية الطفل الذكر إللي بيتربى في أسرة أُنثوية.. بمعنى أن دور الأب بيكون غايب فيها إما بسبب وفاة أو طلاق أو انشغال الأب وعدم مشاركته لابنه الأنشطة الذكرية وممكن كمان يكون أخواته بنات .. فنلاقي الطفل بيتربى بين أمه واخواته ويبدأ يكتسب سلوكيات الإناث بالإضافة لأن الأم أحيانآ ترضى بطلبات الطفل لما يطلب أنه يحط مكياج وهو طفل زي أخواته البنات .. وباعتباره طفل الأم بتوافق .. أو أن الطفل يكون صوته فيه نعومة  فيلاقي الناس تقول ده خسارة أنه يكون ولد.
مجموعة من العوامل بتساهم في تشكيل شخصية الطفل والمراهق بالإضافة لتفاعلها مع العوامل البيولوجية وده ممكن في النهاية يصيب الطفل بـإضطراب الهوية الجنسية بمعنى الطفل ذكر لكن يشوف نفسه أنثى أو العكس   
أو البنت إللي بتتربى داخل أسرة بترفض الإناث أو بتعاملهم بشكل سيء وتفضل الذكور .. ممكن يكون عند البنت رغبة في التخلص من الجنس الضعيف والتحول للجنس الاقوى أو الأفضل 
بالتالي من الضروري جدا أن الأسرة تنتبه لأسلوب تعاملها مع الأبناء بتوفير الرعاية والأمان.. الأب وجوده ضروري جدا في التربية ومهم يكون نموذج وقدوة للأبناء الذكور .. والأم تكون نموذج وقدوة للبنات.

د.سماء نصار

دكتوراة علم النفس

اجعل الحياة أفضل: انشر هذا المقال على