في البوث اللي كنا عاملينه في  ايفنت ” Rise up summit 2016″ ، اللي كانت فكرته قايمة على ان الموجودين في الايفنت  يقدروا  يعملوا  معانا اختبار قياس القلق والاكتئاب، كانت النتيجة ان اغلب اللي خضعوا للأختبار بيعانوا من قلق فوق المتوسط. وبما ان اللي كانوا موجودين في الايفنت ليهم علاقة بالبيزنس وادارة الأعمال، فاستنتجنا ان القلق اللي عندهم بسبب الشغل.

عشان كدة في المقال ده هناقش  قلق الشغل من حيث اسبابه، وازاي تعرف انك بتعاني من قلق زايد في الشغل “Work anxiety”. وايه الحلول اللي تقدر تعملها سواء مع نفسك كفرد، او مع التيم بتاعك عشان تتخلصوا منه وتقدروا تحققوا الاهداف بتاعتكم.

أولاََ: اسباب قلق الشغل:

• علاقة المدير بالموظفين اللي عنده  

ان اللي بيكون الشخص المسئول عن الأدراة واتخاذ القرارات غير كفؤ وعنده اختلال في سلوكه او شخصيته.

فممكن يقوم بتصرفات غير متوقعة تهدد استقرارك الوظيفي زي: 

1- بيهدد اللي شغالين تحته بالرفد لأسباب شخصية ملهاش علاقة بكفائتهم في الشغل. 

2-تعيين بناءا على قرارت شخصية مش معتمدة على كفاءة الشخص اللي هيتم تعيينه.

3-مش عامل نظام تقييم واضح وعادل عشان يعرف مين اللي بيشتغل ومين مقصر.

• ضغط الشغل

وده بيجي لواحد من الـ3 اسباب:

1- المفروض انك تعمل حاجات كتير في وقت قليل.

2-المفروض تعمل حاجة بجودة معينة وانت اصلا مبتعرفش تعملها.

3-او انك  بتعمل شغل اقل بكتير من قدراتك.

• طبيعة الشغل.

طبيعة شغلك ممكن تكون واحدة من التلاتة:

1-روتين ثابت مبيتأثرش بالتغيرات اللي بتحصل زي انك موظف فنسبة قلقك معدومة.  

2-روتين ثابت لكن بيتأثر بالتغيرات اللي بتحصل حواليه (شغل في البورصة/ مدير مبيعات مطلوب منك رقم معين لازم توصله) فنسبة قلقه عالية جدا.  

3-ملهاش روتين وبتتوقف على ابداعك (فنانين / مخرجين /ممثلين)، ودول بيتعرضوا لقلق في حالة لو مطلوب منهم حاجة ومش عارفين يطلعوا فكرة ليها.

• السوشيال ميديا والتواصل السريع:

نظام الحياة اللي احنا بنعيشه وبقى يعتمد على التواصل بشكل رهيب، خلى في تغييرات جذرية تحصل في بيئة العمل، فكل شركة بتسعى انها تكون الأفضل بين منافسيها على مستوى العالم كله. وده ترتب عليه مشاكل بسببها بيجي  قلق الشغل للموظفين اللي في الشركات دي:

1-تحديد اهداف غير منطقية لازم تتحقق.  

2-ازمات اقتصادية (زي ازمة الدولار).

3-تطورات تكنولوجية سريعة بتغير القرارات الموجودة و بالتالي بتأثر على آلية التنفيذ.

4-السعي ورا الظهور بشكل مثالي حتى لو مش حقيقي.

ثانياََ: تعرف منين انك بتتعرض لضغط شغل:

في علامات بتبين ليك اذا كنت بتعاني من قلق شغل ممكن يؤثر على صحتك وعلاقاتك في المستقبل، ولا مجرد اجهاد عادي.

1-مفيش تركيز في الحاجة اللي انت شغال فيها. 

احجز جلسة مع معالج يمكنه مساعدتك فيما يتعلق بهذا الموضوع

( المراجعات)

عرض الصفحة الشخصية

( المراجعات)

عرض الصفحة الشخصية

( المراجعات)

عرض الصفحة الشخصية

( المراجعات)

عرض الصفحة الشخصية

2-قلة الانجاز رغم سعيك الشديد ليه.

3-النسيان الكتير.

4-تأثر العلاقات بتاعتك سواء في الشغل او برة الشغل.

واحيانا ممكن يتطور الأمر معاك ويسبب ليك  مشاكل في المعدة  او صداع على طول بسبب القلق.

ثالثاً:عشان تحافظ على نفسك من قلق الشغل بشكل فردي:

1-التزم بتمارين معينة كل يوم ابسطهم أنك تمشي ده هيقلل من التوتر بتاعك.

2-اعمل على  تصفية ذهنك من الافكار السلبية كل يوم قبل ماتبدأ يومك، او العب يوجا مرتين في الأسبوع على الأقل.

3-يوم الأجازة متشتغلش فيه خالص.

4-خلي عندك مشاريع تاني منفصلة عن الشغل، مارس هواية بتحبها. او اتعلم حاجة جديدة ملهاش علاقة بشغلك. او شارك في اعمال تطوعية.

رابعاً: عشان تحافظ على نفسك من قلق الشغل مع التيم بتاعك.

1-خلي في ثقة متبادلة بينكم وبين بعض.

2-وزعوا مهام واضحة تساعدك على تنفيذ خطتكم والوصول لهدفكم.

3-توزيع المهام لازم يكون فعاّل يعني اطلبوا المهمة المناسبة من الشخص المناسب.

3-كل واحد يركز على الحاجات المطلوبة منه وجودة تنفيذها.

4-كل حاجة تكون فورمال ومتوثقة عشان لو فيه غلط تعرفوا مين المسئول عنه وتاخدوا الحل المناسب.

5-ركزوا على انكم عندكم هدف لازم توصله ليه.

الخلاصة:

انت بتشتغل عشان تحافظ على استقرارك النفسي والمعنوي، وده بسببه هيعمل تأثير إيجابي على جوانب حياتك التانية سواء الاجتماعية، أو النفسية. فلو ده متحققش يبقى الشغل فشل في الدور اللي  المفروض يقوم بيه، وساعتها لازم تدور على حلول.

اول حل وأسهلهم انك تشوف شغل تاني ميحطكش تحت نفس القلق والضغط اللي بتتعرض ليه دلوقتي.

أو لو  متمسك   بشغلك الحالي ومش عايز تسيبه، يبقى لازم تغير طريقة شغلك  وده ممكن تعملوا بمساعدة اخصائي نفسي لو بتعاني من اعرض قلق شديدة.

خد بالك: في ناس بتلجأ لحلول بديلة سيئة على امل انها تتخلص من القلق اللي عندها. زي انها تدخن بشراهة ،او تتعاطى كحوليات ومخدرات، او تاكل بكميات كبيرة اكلات غير صحية. الحل ده سيء جدا ومش هيحل مشكلة القلق بتاعتك، بل بالعكس هيخلق جنبها مشاكل تانية جسدية ونفسية برده.

عشان كدة بلاش نضيع نفسنا ، لو شايف نفسك مصاب بقلق بسبب الشغل الجأ للحلول السليمة اللي قلنا عليها فوق.

وادخل اعمل اختبار القلق عشان تعرف نفسك سليم ولا فيه مشكلة.  ادخل على اختبار القلق على الرابط ده.