الأدوار
الأدوار
كل حاجه في الكون مخلوقة ( إنسان ،جماد ، حيوان ، حتي الطبيعة ) لها دور محدد وفطري ربنا خلقها بيه بتعمله بكل سهولة ومن غير ماتفكر .
– لما بنبدأ نتدخل ونغير الدور ده أو جزء منه يبدأ الخلل !وده نفس السبب اللي بيؤدي إلي نجاح أو فشل علاقتنا سواء ( أسرية ، صحاب عمل ؛؛؛ ) أيا كان نوع العلاقة .
– إني محددش دوري أو أتخلي عن دوري الأساسي الفطري وأعمل دور تاني مهما كان السبب .
مثلا:- أتخلي عن دوري كزوجة وأقوم بدور أم لزوجي بالمره مع ولادي أو أكون أنا الزوج المسئول .
– أتخلي عن دوري كأبنه والعب دور الزوجة أو الأم .
— وأوقات بنربي أولادنا علي أدوار مش أدوارهم لمجرد إن نفسي في الدور ده أو محتاجه مساعدة في دوري .
يعني أحمل البنت مسؤلية أخواتها – أو احكي معاها كلام مش مناسب لها لمجرد إني عايزاها كصاحبه .
– أخد ابني كحبيبي لأني فقدت الأمل في زوجي والعكس مع الأب وبنته !
– حتي الصحاب ممكن بنعوض بهم الأم أو الاهتمام مثلا اللي افتقده من البيت أو الزوج
– وفي الشغل نتقل ونحمّل علي الموظف اللي بيشتغل أكتر وهو يشيل ويبقي مش عارف شغلته ايه بالظبط
” وكتير من اللخبطة اللي بينتج عنها توهان مش عارف أنا مين وايه وبفقد الدورين الأساسي واللي بلعبه ! وفي المقابل اللي قدامي يفقد دوره والدور اللي حاطه فيه
وأفضل أفرك لأني لابس عباية مش بتاعتي فمش مرتاح ولا عارف إيه اللي يريحني .
** ممكن تسأل نفسك بكل حب دوري إيه ؟** طب الدور اللي أنا فيه إيه دوافعي من وراه ؟
لا تترد فى طلب المساعدة من فريق شيزلونج للاستشارات النفسية، للتواصل مع فريق من أكفأ الأطباء والمعالجين الذين يسرهم تقديم المساعدة والدعم.
احجز جلستك الآن وأبدأ رحلة الاستشفاء، وللمزيد من المعلومات التي تخص صحتكم النفسية تابعوا مقالاتنا على موقع شيزلونج.
