Blog Post

الهربتوفوبيا..مش كل الخوف من الحشرات دلع!

نشر بواسطة

ShezlongAdmin

المشاركة الى:

 مش ناس كتير بتفهم هي ليه فيه ستات بتصرخ أول ما تشوف صرصار أو حشرة زاحفة! بعض الناس بتشوف دة دلع أو نوع من الدلع، وإن رؤية  الصرصار أو الحشرات عموما مش مستاهلة رد الفعل المبالغ فيه دة.

الحقيقة اللي بتغيب عن بعضنا هي إن اللي بيصرخوا لما بيشوفوا حشرات ممكن يكونوا مصابين بالـ”هربيتوفوبيا” أو الخوف المرضي من الحشرات والزواحف (زي التعابين والسحالي). والدراسات بتقول إن فوبيا الحشرات والزواحف منتشرة أكتر بين الستات اللي عمرهم أقل من 40 سنة، وعموما فالأكتر عرضة ليها هم الناس اللي تكوينهم النفسي أقرب إلى الضعف.

الفوبيا دي مش بس عبارة عن مجرد نوع من الاشمئزاز أو الخوف من الحشرات والزواحف ، لا هي في الحقيقة بتتخطى المشاعر الأولية دي شوية وتوصل بالمصاب بيها لمرحلة الشعور بمستوى عالي من القلق والخوف اللي بيكون صعب يسيطر عليه، وعند البعض مجرد رؤية صورة لحشرة ممكن تثير داخل المصاب بالفوبيا دي خوف وقلق وممكن يلاقي نفسه مندفع في صراخ لا إرادي أو حتى يفقد الوعي.

عموما الأعراض بتتفاوت من حالة لحالة، ما بين أعراض معتدلة زي إفراز عرق كتير وتوتر الجسم،  لأعراض حادة زي جفاف الفم والدوخة وصعوبة التنفس وخفقان القلب.

وعن أسباب الهربيتوفوبيا فالدراسات بتقول انه في كتير من الأحوال بتبقى مرتبطة بصدمة في مرحلة حصلت في مرحلة الطفولة وكان ليها علاقة بحشرة زاحفة، وكتير بيكون الشخص نفهس عاجز عن استرجاع  السبب اللي حول علاقته بالحشرات والزواحف للشكل دة، لكنها زي كتير من أسباب الخوف اللي بيكبر مع الإنسان من طفولته بيبقى صعب تخطيه لما يكبر. بالعكس، دة ممكن الشخص مع الوقت يبدأ يربط أفكار ومشاعر سلبية كتير بيحس بيها بالحشرات والزواحف وينسج حواليها تصورات كتير مخيفة ومبالغ فيها.

علاج النوع دة من الفوبيا بيشمل العلاج الدوائي والعلاج السلوكي،  اللي بيساعد المصاب بالفوبيا على مواجهة مخاوفه بالتدريج،  ومع الوقت يبدأ  الطبيب المعالج يخلق علاقة جديدة بين الشخص وبين الحشرة ويزرع جواه فكرة ان الدبان مثلا بينسى كل 4 ثواني، أو ان الصرصار مش مؤذي، وان الكائنات دي غالبا أضعف من ان الشخص يخاف منها بالدرجة دي، كمان ممكن يساعد في الحالة دي ان الواحد يتعرض لمعلومات علمية كافية عن الحشرة اللي بتخوف المريض ويعرف حجم قدرتها الحقيقي، وكمان المعالج بيشجع المريض انه يتأمل صور أو مجسمات للحشرة اللي بيخاف منها لحد ما يبتدي المريض يألفها ويغلب خوفه منها مع الوقت.

 

كتبته لشيزلونج: نيرة الشريف

كاتبة صحفية وباحثة مهتمة بالشأن النفسي

المصادر:

 

 

—————————————————————————————

إذا كنت تعاني من اضطراب نفسي ولا تجد من ينصت لك أو يقدم لك يد العون، فلا تتردد في التواصل مع فريق أطباء شيزلونج ليكون رفيقك في رحلة التعافي النفسي.

اجعل الحياة أفضل: انشر هذا المقال على

اترك تعليقاً

Required fields are marked

اشترك في نشرة الأخبار ليصلك أفضل المقالات لدينا: