Article

10 نصائح بسيطة للسعادة

Shezlong Icon

10 نصائح بسيطة للسعادة

 

بقلم/ منال مٌحي

كلنا عايزين نبقي سعداء في حياتنا، بالرغم من الأبحاث الكتيرة اللي أتعملت والمعلومات اللي هتقرأها مفيش وصفه ثابته للسعاده كلنا مختلفين واللي بيسعدنا بيختلف من شخص للتاني وكمان السعادة عادة!! ودي معلومه مبشرة لأن ده معناه إنك ممكن تختار إنك تكون سعيد.

وعلشان رحلتك للسعادة تبقي أسهل علماء النفس والباحثين حطوا عشر نصايح بسيطة لحياة أكثر سعادة.

1- مفهوم السعادة مش ثابت

كل شخص عنده مفهومه الخاص عن السعادة، مش هتلاقي حد يقولك خطوات محدده تمشي عليها توصلك للسعاده وكمان السعاده مش غاية في حد ذاتها هي عبارة عن حالة أنت ممكن تعيشها علي مدار حياتك.

2- متجريش ورا الفلوس والشهرة

أسعى لتحقيق اهدافك ونجاحاتك بس مش علي حساب مبادئك، الأبحاث أظهرت أن الناس اللي بتفوز باليانصيب مش أكثر سعادة من الناس اللي مفازتش هو آه مستوي السعاده طبعاً بيرتفع في وقت الفوز بس مبيعديش أكتر من شهور قليلة لحد مابيرجعوا لمعدلات السعادة الطبيعية بتاعتهم.

3- شغل مخك

طول ما أنت بتفكر وبتحاول تستمتع وبتعيش حالة التدفق (Flow State) ودي هتعيشها لما تكون مستمتع بحاجة بتعملها أوي لدرجه إنك بتنسي نفسك وإحتياجاتك الأساسية وإحساسك بالوقت.

4- درب عقلك

تمرينات التأمل والتركيز علي الوقت الحالي من غير ماتفكر في الماضي اللي مضايقك أو المستقبل اللي أنت قلقان منه من أحسن الحاجات اللي ممكن تعملها علشان تبقي سعيد وتحسن حالتك المزاجية.

5- شكر النعم

احجز جلسة مع معالج يمكنه مساعدتك فيما يتعلق بهذا الموضوع
( المراجعات)
عرض الصفحة الشخصية
( المراجعات)
عرض الصفحة الشخصية
( المراجعات)
عرض الصفحة الشخصية
( المراجعات)
عرض الصفحة الشخصية

أشكر الناس دايماً علي كل الحاجات الحلوة اللي بيعملوهالك وأحِمد ربنا علي كل النعم اللي في حياتك، علشان تبقي سعيد لازم تتعلم تركز علي الإيجابيات وتتغافل عن كل ما هو سلبي.

6- خليك كريم

العطاء دايماً أحسن من الأخذ لو كنت بتدور علي السعادة في الحالة دي فعلاً الفلوس هتشتري السعادة لو صرفتها علي حد غيرك البحوث دايماً بتظهر أن الناس الكريمة أكثر سعادة 🙂

7- ابتسم

الإبتسامة بتقلل التوتر والضغوط النفسية، الإبتسامة هتخلي نفسيتك أحسن وصحتك كمان.

8- تجنب الأشخاص السيئين

الناس السيئة هتاخد من طاقتك وهتكتسب منهم صفات سلبية، حاول دايماً تحاوط نفسك بناس سعيدة ومقبلة علي الحياة.

9- قول الحقيقة

الأبحاث طلعت أن معظم الناس مبيقدروش يكلموا 10 دقايق كلام من غير مايكذبوا علي الأقل كذبتين و زي ما الكذب هادم للثقة هو كمان بيقلل مستوي السعاده بشكل كبير.

10- السعادة هتزيد لما تكبر

كل لما تكبر في السن نضجك هيزيد والتجارب اللي مريت بيها أو شوفتها من خلال رحلتك في الحياة هتخليك أكثر قدره علي تقبل الظروف والتأقلم معاها وده هيكون ليه عامل كبير في تغيير مستوي سعادتك للأحسن.

دمتم سعداء 🙂