سنة 2012 هي السنة الأول اللي أطلقت فيها الأمم المتحدة ليوم السعادة العالمي واللي بيتم الاحتفال بيه يوم 20 مارس من كل سنة، علشان تذكّر العالم إن السعادة حق لكل إنسان، وإن التنمية المستدامة والسلام بيبدأوا من رفاهية الإنسان وكما نشر الوعي بأهمية السعادة في حياتنا كجزء أساسي من الصحة النفسية.

السعادة مش بس لحظة فرح، لكنها حالة دائمة من الرضا والاتزان النفسي. منظمة الصحة العالمية بتقول إن الأشخاص السعداء عندهم فرص أقل للإصابة بالاكتئاب والقلق، وده بينعكس على صحتهم الجسدية كمان. من منظور الصحة النفسية، السعادة بتحصل لما الإنسان يحقق توازن بين احتياجاته الشخصية والجوانب الاجتماعية والنفسية.

نظرية أينشتاين للسعادة

“الحياة الهادئة والمتواضعة تجلب سعادة أكبر من السعي المستمر وراء النجاح المقترن باضطراب دائم.”

كتب أينشتاين  الكلمات  دي على ورقة وسلمها لخادم في فندق طوكيو بدلاً من أنه يدي له بقشيش نقدي، بسبب نقص المال عنده في الوقت ده.

تم تفسير  العبارة دي على أنها تعبير عن رؤية أينشتاين للحياة المثالية، بحيث أن السعي الدائم وراء النجاح المادي أو الشهرة ممكن أن يكون من أكثر الأشياء اللي بتجلب لنفس الإنسان التوتر والقلق لو بعد فيها عن الإتزان الحقيقي للسعي،و إن السعادة الحقيقية دوامها بيكمن في التفاصيل البسيطة والرضا.

الطريف أن المذكرة  دي بيعت في مزاد عام 2017 مقابل 1.56 مليون دولار، وده بيعكس أهمية الأفكار البسيطة وتأثيرها حتى بعد عقود.

نظرية ماسلو للسعادة

ماسلو في هرم الاحتياجات بتاعه شرح إن السعادة بتتحقق لما الإنسان يلبّي خمس مستويات من الاحتياجات:

الاحتياجات الأساسية: زي الأكل والشرب والمأوى.

الأمان: سواء الأمان النفسي أو المادي.

الحب والانتماء: إنك تكون جزء من مجتمع وعندك علاقات إيجابية.

التقدير: الشعور بالقيمة وإنك مؤثر.

تحقيق الذات: لما توصل لأقصى إمكانياتك وتبدع في حياتك.

السعادة في ثقافات الشعوب

مفهوم السعادة بيختلف من ثقافة للتانية. في الغرب، السعادة غالبًا بتُقاس بالنجاح الفردي والاستقلالية. أما في الشرق، زي اليابان والصين، السعادة مرتبطة أكتر بالعلاقات الاجتماعية والتوازن المجتمعي.

احجز جلسة مع معالج يمكنه مساعدتك فيما يتعلق بهذا الموضوع

( المراجعات)

عرض الصفحة الشخصية

( المراجعات)

عرض الصفحة الشخصية

( المراجعات)

عرض الصفحة الشخصية

( المراجعات)

عرض الصفحة الشخصية

كل ثقافة عندها طريقتها في الاحتفال باليوم العالمي للسعادة. على سبيل المثال:

الدول الاسكندنافية بيهتموا بفلسفة “Hygge”، اللي هي الاستمتاع بالحاجات البسيطة.

في الهند، بيعملوا مهرجانات عائلية بتعزز الروابط بين الناس.

في السعودية، بتتعمل فعاليات مجتمعية بتنشر الفرح بين الأسر.

العلاقة بين السعادة والصحة النفسية:

السعادة والصحة النفسية مرتبطين ببعض جدًا. لما تكون صحتك النفسية كويسة، ده بيزود فرصك تكون سعيد. ولو كنت سعيد، ده بينعكس على نفسيتك بشكل إيجابي. علشان توصل للسعادة، لازم تحافظ على التوازن في حياتك، وده ممكن يتحقق عن طريق:

ممارسة الرياضة بانتظام.

إنك تدي لنفسك وقت للتأمل والراحة.

تبني علاقات اجتماعية إيجابية.

تحط أهداف واقعية وتشتغل عليها.

إحصائيات عن السعادة

تقرير السعادة العالمي 2023 بيقول إن فنلندا لسه في المركز الأول كأكتر بلد سعيدة في العالم. الدراسات كمان بتقول إن 74% من الناس اللي بيمارسوا الرياضة بيحسوا بالسعادة أكتر، وإن العلاقات الاجتماعية القوية بتخلي 60% من الناس يحسوا برضا أكبر عن حياتهم.

إزاي توصل للسعادة؟

السعادة مش هدف بعيد، لكنها رحلة بتبدأ بخطوات صغيرة. إنك توازن بين شغلك وحياتك الشخصية، وتدي وقت لنفسك علشان تريح وتستمتع بالحاجات اللي بتحبها، دي حاجات أساسية. افتكر دايمًا إن السعادة الحقيقية بتيجي من جواك، لما تكون راضي عن نفسك وعن حياتك، وتعرف تتكيف مع أي ظروف.

خلّي اليوم العالمي للسعادة فرصة تفكر فيها إزاي تحسّن من حياتك وتساعد اللي حواليك يكونوا سعداء كمان. السعادة معدية، فابدأ بنفسك وانشرها!