العلاج النفسي بتبرز أهميته يوم بعد التاني.. و بالتالي يوم 10 أكتوبر هو يوم مهم جدا عالميا و بنعتبره مهم بشكل خاص عندنا في شيزلونج .. لأنه ببساطة  اليوم العالمي للتوعية بالصحة النفسية.

مؤخرا أفاد مركز السيطرة و الوقاية من الأمراض  (CDC) أن حوالي 50٪ من البالغين معرضين للإصابة بإضرابات نفسية خلال  فترة حياتهم .

و الحقيقة مع الضغوط اليومية اللي بنتعرض لها , و تغيرات الأحداث العالمية و تقلباتها السريعة جدا ..محتاجين نخلي بالنا من صحتنا النفسية  و تثقيف نفسنا كمجتمع و كأفراد و إزالة الوصمات عن المرض و العلاج ، و نبتدي ناخد خطوات جادة لتحسين صحتنا النفسية.

في اليوم العالمي للصحة النفسية قررنا نشارك قرائنا  المقال ده هنساعدك تاخد قرار بدأ العلاج النفسي  و هندلك علي كام نصيحة و شوية خطوات تقدر بيها تساعد نفسك و تحسن صحتك النفسية أثناء جلسات رحلة العلاج .

العلاج النفسي .. ساعد نفسك

العلاج النفسي رحلة كاملة بتبدأها بقرار محترم بكسر دايرة الأذي،و اللجوء لمختص يساعدك تتعرف علي مشاكلك و تخطي الأزمات في حياتك و بالتالي تسمح لنفسك

لكن زي ما احنا عارفين العلاج النفسي هو معالج و متعالج و بيئة علاجية آمنة و لكل واحد منهم دور و طول الرحلة و نوعيتها بتعتمد علي مدي تفاعل العناصر دول .

يعني بإختصار إنت محتاج تساعد نفسك عشان تقدر توصل لنتايج مرضية من العلاج .

نصائح قبل وأثناء جلسة العلاج النفسي

هيفيدك التحضير قبل الجلسة  بكتابة الأسئلة و الأفكار اللي بتشغل بالك , و أهم المشاكل اللي بتعطلك .

1- خليك علي طبيعتك

فكر نفسك دايما إن الجلسة النفسية مكان آمن خالي من الأحكام فكن علي طبيعتك قد ما تقدر , تعالي في الوقت , إلبس لبس شبهك ,خليك مرتاح في جلستك ..مفيش اي حكم من أي نوع عليك  .

2- التفاعل ثم التفاعل

ما تترددش تسأل كل الأسئلة اللي بتيجي في بالك , و لو وصلك أثناء الجلسة شعور غير مريح (زي إنك تحكم علي المعالج إنه غير مهتم أو مش حاسس بيك ) أو حتي  لو وصلتك رغبة في إنهاء الجلسة .. مهم  جدا تشارك المعالج  بكل الأفكار و المشاعر دي أثناء الجلسة .

3-الخوف وارد

وارد تجيلك  مشاعر و أفكار تثير مخاوفك و تدفعك للتردد في المشاركة أثناء الجلسة تقدر تفكر نفسك إن الجلسات  كلها سرية و إن المعالج موجود عشان يساعدك .

4- من حقك

من حقك تتناقش مع المعالج عن حالتك , و الخطة الزمنية  و المتوقع خلال مشوار العلاج .

نصائح لما بعد جلسة العلاج النفسي

1– إدي نفسك فرصة

مفيد إنك تاخد وقت مع نفسك بعد الجلسات , إتنفس بعمق و إشرب حاجة بتحبها و إدي نفسك فرصة تشوف و تفكر  , و تهضم الأفكار و المشاعر اللي هتوصلك بعد الجلسة .

2– إدي العلاج النفسي فرصة

بعد أول جلسة علاج نفسي أحيانا بعض الناس بيواجه مشاعر من الغضب أو الضيق  ناحية المعالج  أو العلاج و بيكونوا مش عايزين يكملوا العلاج .
طبعا من حقك تغير المعالج أثناء رحلة العلاج النفسي  لو ماحستش بالراحة ، بس كمان خليك عارف إن أحيانا بتكون المشاعر دي مجرد إنعكاس لمقاومتك للعلاج نفسه .
فطبعا مفيد إن تسمح لنفسك بالتأكد من مشاعرك الحقيقية ناحية جلسات العلاج النفسي , و عمرك ما تقدر تحكم علي كتاب من أول سطر .

احجز جلسة مع معالج يمكنه مساعدتك فيما يتعلق بهذا الموضوع

( المراجعات)

عرض الصفحة الشخصية

( المراجعات)

عرض الصفحة الشخصية

( المراجعات)

عرض الصفحة الشخصية

( المراجعات)

عرض الصفحة الشخصية

3– ماتسعجلش

إصبر عالتغيير , و ماتستعجلش نفسك و لا تستعجل النتايج , العلاج النفسي أحيانا بياخد وقت لكن الفرق اللي يقدر يعمله في حياتك لو سمحت لنفسك تتغير بجد أشبه بالسحر   .

4-إعمل اللي عليك

الجماعة الأجانب عندهم جملة شهيرة إسمها( DO your homework ).. و بيقصدوا بيها إعمل اللي عليك ،بس في الحقيقة هنا أقصدها بشكلها الحرفي .

 في الغالب المعالج النفسي هيكلفك ببعض الواجبات المنزلية , محتاج تلتزم بإنجازها و لو قابلتك أي صعوبة إرجع تاني للمعالج بتاعك , و طبعا الإلتزام بمواعيد الجلسات مش محتاج توصية .

5– تاني.. إتكلم

لو مواظب علي الجلسات و الواجبات  و بتعمل بالنصايح السابق ذكرها  و شايف إن عدد من الجلسات بيمر بدون تحسن حقيقي ,

إتكلم مع المعالج الخاص بك عشان تلاقوا حل و توصلوا لطريقة مختلفة أكثر فعالية و ممكن تقرا من هنا عن العلامات اللي بتأكدلك إنك علي الطريق الصح في العلاج النفسي .

6– ماتقلقش لو حسيت بالإجهاد البدني

نظرًا لأن العلاج النفسي ينطوي أحيانًا على مناقشات عاطفية مكثفة، ممكن تلاقي  نفسك بتبكي أو حزينً أو غضبان في أثناء الجلسة,

نصائح مجربة تهمك أثناء رحلة العلاج النفسيكل الخليط ده من المشاعر و إستدعاء بعض الأحداث ممكن يوصلك شعور بالإرهاق الجسدي بعد الجلسة , إتطمن ده شئ طبيعي و صحي .

7- أنا جدع

أيوة زي ما سمعت  .. كررها لنفسك إنت هنا عشان إنت جدع و قررت توقف دايرة الأذي .
سر قوة الكلام السلبي اللي واصلك عن نفسك إنك  سمعته كتير و إتكرر بصوت عالي
فبنفس الطريقة لما تاخد خطوة إيجابية زي العلاج النفسي محتاج تفكر نفسك إنك جدع و إنك إخترت مش سكة الجدعنة و الشرف ، في وقت ناس كتير يمكن يهربوا من العلاج النفسي  و بيعرضوا نفسهم و اللي حواليهم  للأذي و تفضل ساقية الأذي دايرة  و مكملة .

ماتنساش تحجز جلستك من هنا ، وللمزيد من المعلومات التي تخص صحتكم النفسية تابعوا مقالاتنا علي موقع شيزلونج.

إيناس طه البداوي
باحثة ماجستير إرشاد نفسي 

المصادر

Turner, E.A., Cheng, H., Llamas, J., Tran, A. T., Hill, K., Fretts, J.M., & Mercado, A. (2016).
https://www.apa.org/topics/psychotherapy/understanding

https://www.goodtherapy.org/blog/9-ways-to-make-your-psychotherapy-sessions-more-effective-0705154

https://www.urbanbalance.com/6-steps-to-make-more-progress-in-therapy/

https://www.webmd.com/mental-health/mental-health-psychotherapy?page=3