د. مريم طه تكتب: ما بعد الانفصال

زواج خطوبه اصحاب بيبقي معاها احلام واهداف وامان واطمئنان واحساس عالي بدور ليا بقوم به باخد

وبعطي مشاعر ووقت وجهد وكيان بابني فيه

فالطبيعي اني افتقده عند الانفصال وافتقد معاه كل الاحاسيس ودوري اللي كنت فيه وخصوصا  لو كنت مدياله

حياتي باكملها يعني موقفه جميع ادواري وعايشه دوري اللي بالعلاقه دي وبس

وهيترتب عليه اللآتى:

– غضب مني ومن تصرفي ورد فعلي – ومروري بعلاقة زي دي

– وغضب منه -وتصرفه – ورد فعله

– وحب وحنين للمشاعر ولوم وتأنيب للنفس وسخط علي الظروف اللي وقعتنا

. كل ده طبيعي جدااااا بوضحه عشان اطمن اي حد بيمر بحاله انفصال

فأصبح عندي حاله من عدم التوازن -الفراغ الداخلي – ويأس واحساس بالفشل والظلم

وسؤال هعمل ايه في اللي جاي؟

في الحاله دي اعمل ايه؟

– اقبل كل اللي انا  فيه الحاله بمشاعرها  اعيشها منكرهاش ولا اخاف منها مطلبش من نفسي ابقي كويسه

وعادي واعرف اني طبيعيه واللي انا فيه ده هو العادي

– افرغ مشاعري يعني اتكلم واقول كل اللي جوايا

مع معالج -صديق – اخ اي شخص بيقدر يفهمني ويسمعني وميحكمش عليا او ينقدني وطبعا يكون امين

– اصنف الضيق والمشاعر اللى انا بمر بيها ده يعني زعلان – مقهور – غضبان – متالم

– اطلع مشاعري دي مكتمهاش واقعد ساكته واتقهر اكتر وتفضل جوايا تزيد وتفرش جوا جسمي كله وتاثر

عليه فيطلع في صحتى

– اطلع مشاعري في اي عمل بدني وافضلهم الرياضه المشي ، الجري

في كتير بيبقوا من الكاتمه محتاجين يصوتوا- يكسروا – يضربوا وللأسف غصب عنهم بتطلع مع اشخاص

ملهمش ذنب

لو عملت كل ده هتطلعلي افكاري ودي مهمه جداااا النها بيتبني عليها قرارات ولو مفرغتش مشاعري صح

هتتبني قرارات خطأ

اشتغل ازاي علي افكاري؟

– اكتب كل فكره تجيلي واناقشها بحياديه

اشوف الاسباب اللي وصلتنا لكده زي مثال انا مش بعرف ادي بحب اخد بس او العكس باجي علي نفسي –

مش عارفه دوري وحقوقي.

وهنا في سؤال مهم هو ده نمط بيتكرر معايا ؟ انا يعني بجذب النوع ده من الشخصيات

اطلع بره القصه واعتبرني بتفرج عليها واشوف ايه مسؤليتي ومسؤليته

– اشوف توقعاتي كانت ايه وليه -تصرفاتي وافعالى

بهدف التعلم من اللي فات وليس اللوم والتأنيب.

الأخطاء اللي بنمر بيها في الفتره دي:

1)اني دايما انتظر الشرح من الطرف التاني ؟هو يقولي زعل مني في ايه ؟ عملتله ايه ؟ قصرت في ايه؟

2)اني اقرر مدخلش في علاقات تاني عشان متأذيش و اتعشم و اتظلم او افشل تاني

3)ادخل في علاقه اخري على طول عشان ينسيني وابين للطرف التاني اني عادي وانا احسن منك

ولكن اللي بيحصل اني بفضل دايما اقارنه او اشيله ذنبه – اعيد اخطاءي او اكون متحفزه بزياده -متمرده

وعكس ماكنت – اطلب منه ما افتقد في اللي فات .واعاقبه علي فعل مفعلهوش

– جلد الذات – تأنيبها – عقابها – كتمانها

الهدف من ده كله اني اعيد بناء نفسي اعيد كيانها اعلمها من التجربه عشان تعلى وتستفيد

املى فراغها عشان متجريش علي اي علاقة مش مناسبه ليها

ارجع لنفسي كامله.

اجعل الحياة أفضل: انشر هذا المقال على