Article

في اليوم العالمي للرجل.. ازاي تكون جذاب في عين المرأة

International Mens Day 181121 1

في اليوم العالمي للرجل.. ازاي تكون جذاب في عين المرأة

احجز جلسة مع معالج يمكنه مساعدتك فيما يتعلق بهذا الموضوع
( المراجعات)
عرض الصفحة الشخصية
( المراجعات)
عرض الصفحة الشخصية
( المراجعات)
عرض الصفحة الشخصية
( المراجعات)
عرض الصفحة الشخصية

النهاردة العالم بيحتفل باليوم العالمي للمراحيض، وأنا كنت عايزة احتفل زيهم والله واكتب عن اليوم المهم ده بالنسبة لنا كلنا، لكن الزملاء من الرجالة كان رأيهم إن الأولى إني احتفل باليوم العالمي للرجل، واللي بيوافق نفس تاريخ النهاردة برضو 19 نوفمبر! والظاهر كانوا منزعجين من مصادفة إن الحدثين في يوم واحد، وإن الستات بتستغل المفارقة دي في السخرية منهم، وعلشان أثبت لهم إني مش متحيزة إطلاقًا ضد الرجالة قررت احتفل باليوم ده بتقديم قايمة فيها شوية حاجات بتزوّد جاذبية الرجالة في عيون الستات وفقًا للدراسات والأبحاث العلمية، فلو عايز تكون جذاب في عين “الست” الدراسات دي هاتفيدك..

  • الراجل اللي على نفس درجتها من الجاذبية جذاب أكتر!
    دراسة في جامعة كاليفورنيا تمت على 60 سيدة من رواد مواقع التعارف على الإنترنت، توصلت إلا إن الستات بتخاف تتعرف على الرجالة اللي بتتفوق عليهم في المظهر بشكل مبالغ فيه، لإن ده بيخليهم بيحسوا بالقلق وعدم الراحة، وكمان ما بيفضلوش يتعرفوا على الرجالة الأقل منهم في المظهر والجاذبية بكتير لإنهم بيعتقدوا إنهم ممكن يلاقوا حد أحسن، وإن الشخص الأكتر جاذبية للست هو اللي على نفس القدر من الجاذبية ليها، واللي بتحس معاه بالتوافق.
  • الراجل اللي في مكانة اجتماعية مرموقة جذاب أكتر..
    دراسة تمت سنة2010 في معهد جامعة ويلز، توصلت لإن الرجالة اللي تمّ تصويرهم مع عربية Bentley Continental GT كانوا بالنسبة للستات اللي عرضوا عليهم الصور أكتر جاذبية من اللي اتصوّروا مع Ford Fiesta ST، الحقيقة أنا مش عارفة الفرق بين العربيتين لكن واضح إن الأولانية أغلى بكتير، دراسة تانية سنة 2014 تمت في جامعة كارديف متروبوليتان توصلت لإن الرجالة المتصورين في شقة فاخرة كانوا أكثر جاذبية من غيرهم، فلو عايز تكون جذاب حاول تحقق مستوى مادي واجتماعي عالي.
  • الراجل اللي شكله  أكبر منها سنًا جذاب أكتر..
    وده بيسميه علماء النفس تأثير “جورج كلوني”، وفي دراسة سنة 2010 تمت على عينة من 3770 من السيدات، توصلت إلى أن الستات غالباً بيفضلوا الرجالة الأكبر سنًا، خصوصًا السيدات المستقلات ماديًا، وده يمكن لإن المجتمع بيدي الرجالة فرصة أكبر في أوضاعهم المهنية والمادية مع تقدمهم في السن، وده بيتناسب مع استقلال السيدات ماديًا.
  • الراجل اللي عنده دقن جذاب أكتر
    في دراسة نُشِرت سنة 2013 الباحثين في جامعة نيو ساوث ويلز، خلوا 351 ست يتفرجوا على صور رجالة بدقن ومن غير دقن، وقررت الستات إن الرجالة الأكتر جاذبية هما اللي  كان عندهم دقن متوسطة، وكانوا شايفنها علامة على النضج والرجولة، وأعتقد دي معلومة مش محتاجة دراسات تأكدها، وواضحة جدًا من بوستات البنات على الفيسبوك.
  • الراجل اللي عنده عضلات (مش ضخمة) جذاب أكتر..
    دراسة نُشِرت سنة 2007 من جامعة كاليفورنيا، لوس أنجلوس، عرض فيها الباحثين صور رجالة على 286 ست،  وكانت النتيجة إن الستات اعتبروا إن الراجل اللي عنده عضلات أقل جذاب كشريك في علاقة طويلة عن الراجل اللي عضلاته ضخمة واللي مناسب للعلاقات القصيرة!
  • الراجل الطيب جذاب أكتر
    في دراسة صينية سنة 2014 عرضوا على 100 شخص صور وطلبوا من كل شخص يوصف صاحب الصورة بصفة، فكانت النتيجة إنه بيتم الربط بين الجاذبية وبين الصفات الإيجابية زي اللطافة والطيبة، العالم النفسي والكاتب سكوت باري كاوفمان بيقول إن نتيجة الدراسة دي أحيانًا بتحصل بشكل معكوس، بمعنى إن الأشخاص اللي عندهم صفات إيجابية بيكونوا أكتر جاذبية من غيرهم، فخليك طيب وكيوت ولطيف علشان تعجب.
  • الراجل اللي دمه خفيف جذاب اكتر
    في دراسة سنة 2006 نشرت في دورية Evolution and Human Behaviour ، طلب الباحثين من طلاب البكالوريوس يحددوا مدى أهمية إن شريكهم يكون عنده القدرة على إنه يضحكهم، والنتايج كانت إن البنات بيقدروا  أهمية حس الفكاهة والدم الخفيف عند شريكهم، والراجل اللي بيضحكهم بيكون جذاب أكتر من غيره بالنسبة لهم، فمن حقك دلوقتي تحقد على محمد هنيدي.
  • الراجل اللي عنده كلب جذاب أكتر..
    في تجربة سنة 2014 في جامعة ميتشيغان ، على عينة من 100 ست، توصلت النتايج إن الستات بتشوف الراجل اللي مربي كلب أكتر جاذبية من غيره، لإن ده بيديهم إحساس بإنه عنده قدرة على الالتزام بعلاقات طويلة وتحمل المسؤولية، كمان بيدي انطباع إنه ودود وهادي وسعيد.
  • الراجل اللي عنده ندوب جذاب أكتر
    الجرح القديم اللي في جبهتك اللي علّم في وشك بعد ما وقعت من على السلم وانت صغير ممكن يحسن فرصك في إنك تجذب المعجبات ليك! في دراسة تمت سنة 2009 في جامعة ليفربول وجامعة ستيرلنغ، قام الباحثين بتعديل صور مجموعة من الطلاب الذكور واضافة ندبات بسيطة كأنها نتيجة إصابة، وكانت النتيجة إن البنات فضلت صور الشباب اللي فيها ندبات واعتبروهم أكتر جاذبية.
  • الراجل اللي بيتطوع في الأعمال الخيرية جذاب أكتر
    دراسة نُشرت في سنة  2013 وأجراها باحثون في المملكة المتحدة عرضت على 30 سيدة صور رجالة مع وصف موجز لهوايات كل واحد منها، وكانت النتيجة إن الستات اختارات الرجالة اللي كانت على قايمة اهتمامتهم الأعمال التطوعية على إنهم أكتر جاذبية من غيرهم في العلاقات طويلة الأجل، فده دافع ليك إنك تعمل الخير وترميه البحر.
  • الراجل اللي بيمارس رياضات خطرة جذاب أكتر
    دراسة أجريت سنة 2014 بقيادة باحثين في جامعة ألاسكا على 230 طالبة جامعية بتوزيع استبيانات عن مدى جاذبية شريك بيمارس أنشطة محفوفة بالمخاطر، في مقابل شريك له علاقة بأنشطة ملهاش علاقة بالمخاطرة، وكانت المخاطرة دي ما بين اختيارين الأول، زي تسلق الجبال، الغطس الحر، ركوب الأمواج، والتاني مخاطر حديثة زي سرقة بحث، عدم تحديث برنامج الحماية بالفيروسات، وطبعًا البنات اختارت النوع الأول على إنه أكتر جاذبية، وكانت نتيجة الدراسة إن الستات شايفين الراجل اللي بيمارس نشاط خطر بيشبه الأنشطة البدائية أكتر جاذبية من اللي بيواجه مخاطر حديثة غبية!