إمبارح إكتشف إن في حاجة كده في رسايل الفيسبوك إسمها Filtered Messages، ولقيت فيها بتاع 120 رسالة من ناس بيسألوني عن حاجات أو بيطلبوا حاجات، من الرسايل دي عدد مش قليل بيسأل إمتي أروح لطبيب نفسي.
هرد عالسؤال ده بشكل تفصيلي شويتين و الرد هيزعل مني شوية ناس فاستحملوني للآخر، وكمان في شوية ملاحظات في آخر البوست لو مش هتكمل البوست روح إقراها علي طول، دي مهمة جدا.

إيه أنواع الشغلانات اللي فيها ممكن تقعد مع حد يساعدك في حياتك؟

أولا الطبيب النفسي (Psychiatrist):

هو خريج طب و اتخصص أمراض نفسية، التخصص نفسه بقي بعد شوية متقسم داخليا لتخصصات فرعية هي الطب النفسي العام و طب نفسي أطفال ومراهقين، طب نفسي المسنين، وطب نفسي الإدمان وعلاجاته، كل طبيب في تخصص بيعرف يشتغل باقي التخصصات لكن بيكون واخد ساعات تدريب و خبرة أكتر في تخصصه، فبقي مهم نسأل هو الدكتور ده بيشتغل في أنهي تخصص ولا شغال كل حاجة، مقدرش أنكر إن في ناس كتير بتشتغل أكتر من تخصص بشكل جيد مثلا أنا بشتغل طب نفسي عام و أطفال ومراهقين ولما بيجيلي حالات مسنين أو إدمان بحولهم علي زمايلنا اللي شغالين في التخصصات دي بشكل أفضل.
مهم قبل ما نعدي النقطة دي نقول إن الطب النفسي غير طب الأعصاب و غير جراحة المخ و الأعصاب.

ثانيا: الأخصائي النفسي (Psychologist):

هو خريج آداب علم نفس، أو أحد تخصصات علم النفس في الكليات الخاصة، وده برضه تخصصات كتير جدا جدا، يعني في تخصص القياسات النفسية، وتخصص علم نفس النمو، وتخصص علم النفس الجنائي، والإجتماعي، ودي صفحة الويكيبيديا اللي فيها تخصصات علم النفس عشان نعرف أد إيه هما كتير
https://en.wikipedia.org/wi…/Category:Branches_of_psychology
الأخصائي النفسي يفضل إنه يشتغل في فريق فيه طبيب و مينفعش يشتغل مع مرضي في جلسات علاج نفسي غير اللي متخصص علم نفس إكلينيكي أو أطفال مع الأطفال. في بلدان كتيرة اللي بيعمل جلسات العلاج النفسي أساسا الأخصائي النفسي مش الطبيب النفسي.

ثالثا: المعالجين:

دول فئات عديدة جدا برضه، أهمهم المدمن المتعافي اللي بيساعد المدمنين في طريق تبطيلهم، المعالجين بالفن، و المعالجين بالموسيقي، و المعالجين بالحركة، والمعالجين بالدراما وهكذا، دول مينفعش، مينفعش، مينفعش، مينفعش من هنا لبكرة يشتغلوا لوحدهم. لازم من خلال طبيب و تحت إشرافه و مراقبته.

احجز جلسة مع معالج يمكنه مساعدتك فيما يتعلق بهذا الموضوع

( المراجعات)

عرض الصفحة الشخصية

( المراجعات)

عرض الصفحة الشخصية

( المراجعات)

عرض الصفحة الشخصية

( المراجعات)

عرض الصفحة الشخصية

رابعا: المدرب الحياتي (Life Coach): 

ده شخص دراسته غالبا ملهاش علاقة بالمساعدة النفسية اللي هيقدمهالك، ممكن أي حد يبقي مدرب لما ياخد الكورسات، طيب هل في أي جهة تقول الكورسات دي معتمده أو كافية أو في حد بيراقب علي شغلهم؟؟!! الحقيقة لأ، مؤسسات كتير بتحاول تقول إنها جهة معتمدة للتدريب، لكن معتمدة من مين؟؟ طول الوقت معتمدة من جهة تانية في نفس تخصص الكوتشينج بس بادئة قبلها بشوية وهكذا، في ناس بتحاول تأصل للشغلانة دي وتقول إنها بدأت من قرن و أكتر لكن الواقع إن ده شخص مجهول تدريبه، مجهول كفاءته، مجهول الطريقة اللي بيشتغل بيها، مفيش جهة تراقبه، مش دارس علم نفس أو طب نفسي، فبالبلدي كده، إنت وحظك، لو وقعت مع حد كويس و ابن ناس، فتمام، لو وقعت مع واحد بيشتغلها عشان مش لاقي شغل، فتمام برضه، إنت المسئول.

خامسا: مدرب التنمية البشرية:

و استشاري العلاقات و مدرب البرمجة اللغوية العصبية ، والمحاضر الدولي و المدرب الإقليمي و رائد فضاء التطور الذهني و باقي المسميات اللي من غير رابط دي، دول ناس زي النوع اللي فات ولكن بشهادات مجهولة أكتر، و مستوي ثقافي غالبا أقل، و أحيانا بتاخد صبغة دينية، برضه فيهم الكويس و الوحش لكن الأهم إن مفيش لا جهة تدريب حقيقية ولا جهة محاسبة معروفة و إنت وبطيختك، قصدي إنت و اللي هتقع فيه.

شوية ملاحظات بقي علي كل اللي فات ده و دول مهمين جدا جدا جدا

1- مش من حق أي حد يوصف دوا أو يعدله أو يوقفه غير الطبيب النفسي، أي حد مش طبيب نفسي حتي لو طبيب في تخصص تاني لإن دوانا صعب في فهمة وتفاعلاته مع بعضه فرجاءا أي حد يعمل كده علي عهدتي الشخصية فلو حضرتك جاهل و متعافي ومتدخلش في اللي ملكش فيه.
2- المسئول عن التشخيص يا الطبيب النفسي يا الأخصائي النفسي، مش من حق أي حد تاني يتعامل مع أي مرض من أي نوع. إرحمونا رجاءا.
3- مش كل الدكاترة النفسيين بيعملوا جلسات علاج نفسي، فلو محتاج جلسات كلامية لو سمحت إسأل الدكتور برضه أروح لمين أمان.
4- العلاج النفسي مش كلام وبس، ولا دردشة، ولا فضفضة، و إن مكنش مفيد هيكون مؤذي، و ليه أعراض جانبية مؤذية فعلا، فلو سمحت حافظ علي نفسك و إنت بتختار اللي هيعالجك.
5- الأطباء النفسيين مسئولين بشكل كبييييييييييير عن إتجاه الناس لتخصصات مجهولة لإن الناس مش بس محتاجين تشخيص و دوا، لكن الأهم و الأغلب و الأعم محتاجين حد يسمعهم و يساعدهم.
6- كلمة “إستشاري” دي معناها دكتور واخد دكتوراه وليها صياغة واحدة بس إسمها “إستشاري الطب النفسي” فلو أي إستشاري وراها أي حاجة تانية، يبقي بيشتغلك بكلمة إستشاري.
7- في دكاترة نفسيين بيرتكبوا تجاوزات، ده صحيح هما بني آدمين في الأول و الآخر، لكن معرفتهم و تدريبهم بيخلي التجاوزات دي أقل بكتير من أي تخصص تاني، بنشوف كل يوم كوارث ومصايب تودي السجن و تودي النار كمان من التخصصات المجهولة.

الحلقة الجاية: إمتي بقي تنزل من بيتك و تدفع فلوس وتروح لدكتور نفساني؟